بقلم الشاعر Ⓜ️Ⓜ️ ابراهيم. علي مسلم Ⓜ️Ⓜ️بدون عنوان 💕مصر💕
بدون عنوان
صلى على الرسول واسمع معانا حنقول
حنقول احلى كلام بالصلا على خير الانام
محمد المصطفى عليه صلاة وسلام
عجبى على الصحاب فيهم عجب العجاب
منهم شفت العذاب ما الكل طلع كداب
طب ليه يا صاحبى ليه تبيعنى عشان جنيه
تبيع العشره ليه أنا كنت عملت ايه
وبص عالاخوات فى لحظة بقم فتات
إبليس فرق ما بينهم وكتر العداوات
المال أهو فرقهم ولا عادش شئ يجمعهم
غير الأسى والهم وكثرة الحماقات
طب ليه يا اخويا ليه تتغر عليا ليه
دانا ليك وأنت اللى ليا لو حتى عملت إيه
مهما الدنيا تغرك أبدا مش راح تسرك
حاتيجى فيوم تجرك لشئ تندم عليه
اخوك هو اللى ليك ماحايجى فيوم عليك
يتباهى بيك تمللى دايما على طول شاريك
تلاقيه واقف فى جنبك فى الشده يبقى ساندك
يفديك بروحه وعمره طبعا ماهو دمه دمك
يارب يا رحمن يا خالق الإنسان
تهدينا بهدايتك تبعد عنا الشيطان
اهدينا ياخالقنا نور لنا طريقنا
أغفر لنا ذنوبنا بالرحمة والغفران
... كلماتى....
ابراهيم على مسلم
تعليقات
إرسال تعليق