بقلم الشاعر Ⓜ️Ⓜ️ مبروك البنا Ⓜ️Ⓜ️ نهر اللهفه💕 مصر 💕

*** نهــر اللهفــه

ـــــــــــــــــــــــــــــــــــ

لو سـألتي أيـه يرضـيني

أقـول لـك حُبـك يكفيني

انت روحي و نـور عيني

و كفايه عيونك تراعيني

امام عنيك انسي زماني

والساعه احسبها ثـواني

و أقـول واعيـد من تاني

بسمــه ونـظــره تِكْفيني

لك بقلبي نهـرين لـهفـه

و حُـب زايـد عني وكـفَّــه

عنيك حسه بيَّه و عـارفه

وبحس بيها لما تلاقيني

فيها حب وشوق من نار

بتخـليني واقـف مـحـتــار

أمـا قـلبي سـابني وطـار

بشـوق يـقـولِك ضُميني

ضميني و بـلاش نتغرب

اتشجـع و بـحضني قـرّب

مرَّه لطعم الشهد نجرب

و بكـاس شهـدك أرويني

انا قـلبي بيحـــايـل فِـيــك

يتمني في يوم يراضيـك

بس أمتي وفين أراضيك

و كفايه عيونـك تراعيني

-----[مبروك البنا]-----