بقلم الشاعر Ⓜ️Ⓜ️مجدي فاروق Ⓜ️Ⓜ️وحشتيني 💕💕
وحشتيني ؛؛
مهما مرت بيا الثواني
أتغيرت وبقيت حد تاني
ورسمت الضحكة عالشفايف
نزيف الحزن جوايا
صبحي وليلي ومسايا
عمري مانساكي ياأمي
ياللي اسمك بيجري في دمي
مانتي عارفة انتي بالنسبالي إيه
كنتي أول حضن أجري عليه
وأول قلب بشتاق إليه
والوقت ياأمي مش لاقيه
بفتكر بنا كل حاجة عشنا فيها
كل كلمة وكل همسة مش ناسيها
وحشتني حنية أيديكي
وحشتني طبطبتي عليكي
وحشتني نظرة عينيكي
كل ركن قعدنا فيه
كل حضن عشت فيه
وحشني كتير الكلام والسلام
ودعائك لي بالخير والأبتسام
يارب تكوني راضيه عني
ومن قلبك ياحتة مني
ف كل صلاتي بدعيلك
رحمة ونور بهديلك
يجعل قبرك كله زهور
وبروايح الجنه وعطور
وأيات من القرأن
من سورة الرحمن
وشربة من الكوثر ترويكي
وعين الحور حواليكي
في الجنة بناديكي
وحشتيني ياأمي .
مجدي فاروق.... كلمات رقيقة
تعليقات
إرسال تعليق