بقلم الشاعر Ⓜ️Ⓜ️ عبد الحميد وهبه Ⓜ️Ⓜ️كأنه ماكان ⛳⛳

(كأنُه ما كان)

إعتبر إن إحنا ماشفناش بعض 

ولا يعني في مرة جَمعنا مكان

وبحّلَك آه من أيُها وعد 

وإعتِبر الحب كأنُّه ما كان 

خلّينا نراجع تفكيرنا 

ونسيب الحب لناس غيرنا 

لو يعني قِبلنا إنّا نكمّل  

هنعيش نتعذِِّب بضميرنا 

مش يمكن ده أحسن لينا 

إنّ إحنا نفارق بَعضينا 

ونسيب الحُب وأشواقُه

لِناس تانية تكمِِّل بَعدينا  

مش جايز يعني إتسرّعنا 

أول ما حاكينا بمشاعرنا 

والحب اللي بوهمُه خدعنا 

كان جاي يتحكم في مصيرنا 

م الأحسن يعني و م الأفضل 

نبعد عن بعض ونتحمِِّل 

لحظات البُعد وقسوتها 

أحسن ما نجازف ونكمّل 

فيه حاجات نهايتها في بدايتها

أحسن ما بتكمل للآخر 

لو كنا مشينا في سِكتها 

وقِبلنا بإنّ إحنا نخاطر 

مش جايز كنا خسرنا كتير 

لو يعني وافقنا بدون تفكير 

ولا كنا وصلنا ولا إرتحنا 

من غير ما نحدد خط السير 

بقلمي عبدالحميد وهبه