بقلك الشاعر 😥😥 جمال حلمي ابراهيم 😥😥ف لحظة واحدة⛳😥⛳
ف لحظة واحدة
قالولي صحبك مات
ومن دقيقة كان
معايا أنا بالذات
بيقولي مصر بلادي
ها سيبها ف ساعة شُتات
الخبر صدم قلبي مني
والٱه بقت ٱهات
كان شايل مصر ف عينه
وعنها حكى الروايات
دافع عنها بكل عزم
وبينه والموت خطوات
علمني حُب الوطن
وأنا لسه ف البدايات
نزع من قلبي الرهبة
وزرع جوايا الثبات
قالي كلنا هانموت
برصاصة أو بعبوة كله ممات
أجمد شد نفسك
ده إرهاب وبعده ثورات
كان عارف بكره وبعده
ها تكون مصر ف أزمات
إرهاب وربيع عربي
وسنين مُبكياااااات
النهارده انا موت ياصحبي
يا زميلي ف العثرات
سالملي على الحبابيب
اللي فاتونا من سوكات
سالملي على طه
وحش الإرهاب والمعجزات
سالملي على باسم
وهشام ابن الذوات
سالملي على حازم
اللي سابني ف العشرينات
سالملي على كل شهيد
ضحى بروحه م القوات
النهارده انا موت معاكم
وفي القبر هانبقا رفات
شكرا يامصر جمعتي بنا
من البداية للنهايات
الوطن ماعدش لينا
بقا للكورة والمعجبات
بقا للمدرج وصوت
الطبل ف المدرجات
بقا لكل واحد نسي
ماضينا وركب السفينة هيهات
شكرا يامصر جمعتي بنا
في البطولة حتى الممات
( في لحظه واحده )
بقلمي / جمال حلمي ابراهيم عامر
...............................................
تعليقات
إرسال تعليق