بقلم الشاعر 🌏🌐 د. جاسم محمد الحساني 🌏🌐 ملك الموت ⛳⛳
ملك الموت
دگّیت الصدر و اتگول أرید اویاك
و أنا إبروحي حایر وین اودیهه
گبل یوم الچنت شاب او أهدم إگلوب
إمن أودیلك رسالة إبرد تعازیهه
شفت دار الوکت و إفتر علیك العوز
او ذکرت ألام گلبك من تمر بیهه
هسّه إترید ترجع من لفاك البین
تراوي إچفوف غدرك من تحنّیهه
أحس بعیونك أفتر و الوکت دوّار
و أحس بإلنار تسعر من تدوّیهه
خاتل ذکریاتي او منیتي الاشعار
أسیرة الروح إجت بوعودك إشفیهه
یریت إتگول إحبّك تحچي عین إبعین
نظرة البیهه سرّك لا تغطّیهه
لغز عینك رصاصة او یرمی بإلدلال
الروح إتحن علیك إشلون أسلّیهه
إمتابعني او خیالك گمت أشوفه إبلیل
البدر و انجومه محتار إبمعانیهه
الختِل یکسر گفاك إظهر شمع مکشوف
حرگت الفرگه بیدك لا تکر بیهه
تذبحهه إبسکوتك تبري نفسك لیش
خاف اللّه إبغیابك بیش أداویهه
اذا ناوي او ترید إنسافر أنا اویاك
فک باب المحنّة و إعترف بیهه
عطشان ارد أشوفك و أنت جرعة ماي
وصیة عزنه عندك لا تبدّیهه
بس کافي السکوت إحضرني ملك الموت
حاسب روحي عاجل و إمتحن بیهه
للشاعر الشعبي: جاسم ثعلبي الحسّاني
(جاسم محمد الحسّاني)
24/12/1398
تعليقات
إرسال تعليق