بقلم الشاعر Ⓜ️Ⓜ️ جاسم ثعلبي 🌏🌐 نار وجمر🌏🌐
نار و جمر
يألرايد تحب شور الگلب و الروح
صادق صير وي ناس اليحبّونك
ناس إتحب تعاشر لابسين أكفان
علي نار و جمر دائم يجربونك
لا تخلف وعد لا تلچم المجروح
مو شگ بإلجلد خاطر يخيطونك
الحبّك باع صيته او جاهه يتمنّاك
الشماته أجناب من تخلف يعذبونك
إفتح باب صدرك سكّن المدلول
و إنثر له عطر لابد يشمّونك
حط إيدك بديه او گلّه أنت إهواي
أنت الروح إلي ما أعيشن إبدونك
عينك سر حياتي او مهجتي او دنياي
وجودك عيد الي او للتالي ممنونك
يكرمك بالفخر و إتصير حاتم يوم
تبختر بيه تشوف العزّة بعيونك
جاسم ثعلبي الحسّاني (د. جاسم محمد الحسّاني)
04/08/1402
تعليقات
إرسال تعليق