بقلم الشاعر Ⓜ️🌏 د. محمد رجب متولي النجار Ⓜ️🌏قاكرك ياامي وايدك في الطحين 🇪🇬مصر🇪🇬
فاكرك يا أمي وإيدك في الطحين
فاكرك يا أمي وإيدك في العجين
وبادعيلك ربي تكوني في عليين
ويجزيك خيرا وتقابلي النبي الأمين
فاكرك يا أمي والقلب مليان حنين
فاكرك يا أمي بتطعمي المسكين
و تقسمي نصيبك بالنصف بالسكين
و تضميني جنبك بذراعك اليمين
فاكرك يا أمي والدموع جو العينين
فاكرك يا أمي في أخواتي الحلوين
لما ييجو عندي ونعيد الذكريات
لما نقعد نحكي. و نعيد اللي فات
و نفتكرك يا أمي لما توزعي المنابات
لما كنا نجلس في كل المناسبات
في موسم عاشوراء و نجمع البنات
و ا ما كنا ندبح و نوزع حلويات
و تقولي يا أمي روح المصنع وهات
لما تجيبي جوافة و معاها بلح أمهات
فاكرك يا أمي وادعيك بواسع الجنات
و الكل يدعي معايا لجميع الأمهات
محمد رجب متولي النجار شاعر الشهداء منوفيه جمهورية مصر العربية اللهم أغفر لجميع الأمهات أدخلهن فسيح الجنات
تعليقات
إرسال تعليق