بقلم الشاعر Ⓜ️Ⓜ️ د. الحاج خليل محمد غريب Ⓜ️Ⓜ️ فارس الفرسان⛳⛳

أسعد الله أوقاتكم

كَثُرَت فرسان هذا الزمان. (فارس الفرسان، فارس اللغة، فارس الكلمة، فارس الهوى والهَيَام ووووو)

مش فارس ، اللي بيعتلي فوق السَرِجْ

ولا هو أصيل بهيبتو ، ولا هو خَرِجْ

الجُوكي ، بيربَح سَبَقْ ، بِإسم الفَرَس

بمضمار سيرو ، بهمتو ، بيكرج كَرِجْ

وفارس كَسِيحة ، برقبتو طوق وجَرَس

وبيندهلو ، فارس ، ومشيو عَرِجْ

الفارس يا ابن الناس ، في حولو حرَس

ولما يطل ، منسمع ، الهيصة وهَرِجْ

الفارس عاجنبو سيف ، في غُمدو انغَرَس

وإسمو الأول بالأسامي بيندَرِج

الفارس بصدرو العِلم والقوة كَرَس

ومطرح ما فيه بينوجد زاهي وأَرِج

الفارس قبال الاسد ، للبوة افتَرَس

وما خاف ياكل غيرها بوقت الحَرِج

بالكرَم فارس ، بالشعر فارس ، ضحَّى ودَرَس

بالشرف فارس ، بالوغى فارس ، خصمو هَرَس

من سطوتو ، ومن دعستو ، بيحيا المَرِج.

كلمات : الحاج خليل محمد غريب.