بقلم الشاعر 🌏🌐 شاذلي محمد عبد الرحمن 🌏🌐 متكحرت ⛳🇪🇬مصر🇪🇬⛳
• متكحرت ،،،،،،،،،،،،،،
جدا مع نفسي
نفسي الشكاكة اللوامة
معذور . منحور .
حاسس بالعجز
وابان مكسور
مقهور . مبتور
عايش في العتمة
في وسط النور
وبعد ايامي المنسية
وكأن النار من تحتي
بافور
معقول
مش ممكن يعني
اكون مسحور
أو تايه
ولا اخدت الدور
او نايم
جوه الحلم بدور
مجبور
نفس الأحلام
صابر وجَسور
يا سلااااام
دا كلام
حتى الأحلام
من جوه السور
ولا ليها خيال
أو حتى ظهور
مدفونة في نفسي
مكانها جحور
وبتضحك ضحكة
ماليها غرور
ولا حنت
ولا حست بشعور
وباشوف الدنيا
مقام مهجور
لو حتى الناس
جواها طابور
وانا طير ييحوم
زي العصفور
من تحته سراب
والأرض دي بور
وكمان مليانة
وحوش وصقور
ولمحت بعيني
شعاع مطمور
من خرم صغير
جوة السور
ورجعت بعمري
سنين وشهور
أيام الضحكة
بكل سرور
والدنيا بتطرح
أحلى زهور
كل اللي ف قلبي
أعيش مستور
ولا شوفنا نفاق
أو كلمة زور
والكدب بعيد
دايما محذور
وعيونا ماليها
العفة تثور
لو جالنا فقير
يرجع مجبور
والكلمة الحلوة
بتبني قصور
من الحب
ولو في حياتنا قصور
والدنيا ياناس
دايرة . وبتدور
••••••••••••••••••••••
شادوليات
خارج عن المألوف
شاذلي محمد عبدالرحمن حسين .
تعليقات
إرسال تعليق