بقلم الشاعر 🌹🌹 د. مصطفي فريد 🌹🌹 حبيبتي بالابجديه🇪🇬 مصر🇪🇬
( حبيبتي بالابجدية )
متابعة هجائية لمصرنا الأبية
للشاعر مصطفي فريد
صاد ٠٠٠٠٠
الصاد صبية وهنية
فى قلوب محبينك
قبل الجميع جاى لك
علشان ابوس إيدك
وأنقش على ضهرها
كحكايه يوم عيدك
واقعد واحكي لك
بالشعر حواديتك
رصيت حروفي قصايد
صور مابين السطور
ومرصعة جبينك
تصرخ بشوق زايد
طالبة جواز المرور
عليه شعار الحبايب
مختوم بخاتم نور
لقلب عاشقك ورايد
يصبر عشانك دهور
راهب وقلبك سكن
يا منبع الاسرار
يا فكه تجاعيد الزمن
وكأنه وش نهار
أبيض كما قلبك
والخمسه دايمآ فى كفك
على طول محوطاكي
فيكي الجميع محتار
والرب علاكي
فى القيمة والمقدار
يا ملهمة أشعار
كل إللى كان قبلي
كتبوا سلاسل دهب
قبل الزمان بزمان
وقت الشتا فى قبلي
فيكي النسيم حران
وفى بحري كان معجزه
صيفك طرواته جنان
ياجنة المحروم
من معني كلمة وطن
حبك فى قلبي إكتمل
يا درة الاوطان
الى اللقاء لمتابعة باقي ديوان ( حبيبتي بالابجديه )
تعليقات
إرسال تعليق