بقلم الشاعر 🌹جاسم ثعلبي الحساني🌹يوم المراة العالمي 📚اكاديمية ملوك همس الشعراء📚
یوم المرأة العالمي
إبیوم ألمرأة أخصّچ و أنتي بدر الکون
إختنه الماجده او کل الفخر بیهه
مثل شمعة إبظلام إمحجّبه إبقندیل
شعاع أفعالهه إیصوّر معانیهه
ثقافتهه الأمانه إتربّي جیل إبجیل
صافي او ماي زمزم من یبدّیهه
هلهولتهه قصّه إتسر گلب محزون
إبیوم الضیج تفگه إتطگ محاچیهه
کریمه إمأدّبة و الغیرة عدهه إثبات
سلیمة إمعدّلة و إمحلیة والیهه
ربّت جیل والي إیبارز الفرسان
من إبعید مشهودة مبانیهه
رفعت رأس أهلهه بإلعلم بإلصیت
العمام أطفالهه او کلمن یواسیهه
عَلم صارت ترفرف بإلفکر و الدین
حسافه الفقر و المأتم یعانیهه
لبست ثوب أهلهه إتوسّطت دیوان
او شربت گهوة العز روعة یرثیهه
شیّالت بخت و البخت عدهه إعیون
ما طمّت بختهه إبکل مأسیهه
حملت ضیم أهلهه او طالبت بإلعوز
سفینة نصر بحرت للیعادیهه
عبایتهه ستر و الثوب عدهه الثام
تناور بإلمجالس سرهه یخفیهه
ما تبعت غبي او لا عاشرت بد ذات
خیّال التطلبه إبعینه یفدیهه
ذهب صافي نظرهه إتداوی جرح البین
طبیة نفس متنجبه إبتهانیهه
العیبی او بإلسدر متوسطه عید إبعید
بس البیه وفه من حقّه یشریهه
طلّابة سترما خنست إبدیوان
و إبیوم البراز إتجر سوانیهه
إم إمعدّلة إتحارب ظلم و الجوع
ضد کل معتدي ثار العزم لیهه
ألف مبروك الچ یومچ نصر مکتوب
الچ طول العمر بإلملحمه أرویهه
جاسم ثعلبي الحسّاني 18/12/1401
تعليقات
إرسال تعليق