بقلم الاديب🌹 دمصطفي فريد Ⓜ️ رمضان برئ 📚 اكاديمية ملوك همس الشعراء⛳
رمضان برئ
من ديوان/ شبهتونا
للشاعر/ مصطفى فريد
من امتى كان رمضان غريب
الغربه دايمآ فى النفوس
والبعد عن نور الحبيب
رمضان قريب
من كل قلب بينتشي
وقت الصلا
وبيختشي وجه الحبيب
رمضان برئ
من كل افعال البشر
إللى انتشر فيه الحريق
من غير رجوع
نهر الدموع
ما عادش بيطفي اللهيب
رمضان عمل
زهد وإيمان
تراتيل عباده
قرآنه للإبدان طبيب
ولا عمره كان ابدا سهر
مع تمثيليه مخنسه
أو فيلم داعر له بريق
رمضان ونس
مع الاحبة المشتاقين
لحفظ قرآن ربنا
ولحد فجره قائمين
اهل التقا
وقت اللقا
عصافير أمل
جواها بصمة ربنا
أهل الفراغ مساكين بكا
ساعة الفطار
حسرة وندم
تشهق وجع
والجوع بيفرد سطوته
على معده زي البير غويط
والضمير قاطع نفس
والفرس راكب عليه
فارس كفيف
ورغيف بيشكي الجوع
فى قلب ساحات الحرس
وآدان بيدن مع جرس
بيقول لنا رمضان كريم
يا عطشانين شرب الكسل
رمضان عمل
وطوق نجاه
من كل ذلات الحياه
رمضان كريم
والاكرم من كل الجميع
سبحانه رب الأكرمين
مالك الملك المجيب
لصوت دعاء المكروبين
صلوا على طه الحبيب
تعليقات
إرسال تعليق