بقلم الشاعر 🌹جاسم محمد الحساني🌹رسالة حب 📚 اكاديمية ملوك همس الشعراء 🌹🌹
رسالة حب
أيا دار أنطقي لي أين ساكنكَ
ذهب كما ذهبت الرياح بوادي
أرى بإمّ عيني دمار أثار غدركَ
يهرول بها الرمال و الرمادي
أين الحبيب و على الأشجار وصلة بدركَ
هل من الأحياء يرزق بسعادي
أنا كنت مسجوناً أتيت و ما عذركَ
أبحث عليه بشوقٍ في كل البلادي
***
أسطّر بإلنظم بإلچمد يوسف
او على الّي تابعيته او هرب يوسف
أحبّك حب زليخا إبعشگ يوسف
عفت حكمي او سبت صوب المنيّة
***
أجر ونتي إعلى حبّي او تحن بسماي
إبتعد و إعيوني تهمل دمع بسماي
إبّطن گبره او سمعته إیصیح بسماي
كشفت الكفن و إتبسّم عليّه
***
گطعت اليأس منّك و إشجرالك
تقصير الگلب حن او هوالك
إجاني العيد و أنت إبعيد عنّي
أجر گوّه النفس هجرك كتلني
إبأخر عمري و إمتابع وصالك
گطعت اليأس منّك و إشجرالك
تقصير الگلب حب او هوالك
***
حبّيتك محبّة إبحبّي مفتون
ترف روحي اعلى شوگك قبل العيون
إمن أشوفك جسمي إيبيد
إبنظرتك رعشتي إتزيد
أشتعل بإلنار اذا مرني خيالك
گطعت اليأس منّك و إشجرالك
تقصير الگلب حن او هوالك
***
مثل الوردة عطرك منّك إيفوح
إمن أشتمهه تسلب العقل و الروح
أظل أسبح بإلهموم
گمر ضاوي اويه النجوم
جل الخالق الصانع جمالك
گطعت اليأس منّك و إشجرالك
تقصير الگلب حب او هوالك
***
تعال إتدنه خل نجلس سويّه
و أشبگنّك حبيبي إبّين إديّه
إبغرامك تضوي دنياي
او يشوف الرايح او جاي
أهيمن فيك و إتعيش إبدلالك
گطعت اليأس منّك و إشجرالك
تقصير الگلب حن او هوالك
***
شعر رأسك ذهب خبّلني مجنون
مثل روج البحر نازل بإلمتون
عسل خدّك أمصّه او سكّراني
أذوب أبحبّك او جفنك رماني
وجودي فدوه الك و الكل حلالك
گطعت اليأس منّك و إشجرالك
تقصير الگلب حب او هوالك
***
ما أهم و أنت حي و إجروحي إتطيب
يهمني لو خنتني او عنّي إتغيب
يهمني بس الفراق
ولا يبعدني العراق
أبشرك لو تحس محّد فتالك
گطعت اليأس منّك و إشجرالك
تقصير الگلب حن او هوالك
***
الحمد لله أستلم منّك وصيّة
تجي كل يوم و إتصبّح عليّه
رسالة حب بإلعيون
تسلّم و أنا مجنون
و أداويك إبنغم طوري شفالك
گطعت اليأس منّك و إشجرالك
تقصير الگلب حن او هوالك
***
جاسم محمّد الحسّاني 16/12/1402
تعليقات
إرسال تعليق