بقلم الشاعر 🆗 د. ابراهيم علي مسلم 🆗 يوميات زوجه نكديه Ⓜ️ اكاديمية ملوك همس الشعراءⓂ️🌹
............. يوميات زوجه نكديه...............
هنكد عليك يعنى. هندكد عليك
والنوم رايحه اخليه. يخاصم عينيك
يا وليه ياه نكديه...............كفايه حرام عليكي
ماتخفي شويه عليا...........والنبى ابوس إيديكي
أصل أنا نكديه. والطبع ده فيا
وده عشق وغيه. مش كده يا عينيا
أنا نصحتك وإنتي براحتك
يللا كده بقى شوفي مصلحتك
لو مش ناويه تغيري طبعك
راح اجيب غيرك وإنتي وراحتك
أيوه كده يا سعادة البيه. أفتح قلبك بين ما فيه
بعد العمر ده كله يا خاين. قال تتجوز يا نهار إيه
إهدي شويه وهدي حبه
خلي حياتنا تسودها محبه
كنا حبيبتي أسعد حبيبن
وحبنا بيحلفو بيه
ليل ونهار شغاله فى البيت. ومن الهم أنا اتدهديت
ولامنك شوفت الحنيه. ولا كلمة شكراً دى لاقيت
حقك عليا أنا يا حبوب
مني زعلان قوي كده ليه
دانا لسه جايبلك دبدوب
تمنه معدي ال 200جنيه
مش عايزه منك أنا دباديب. ولا رخيصه ولا غاليه
أنا عيزاك مني تبقى قريب. واحس منك حنيه
والاقي زيك تانى أنا فين
يا حياتي أنتي ونور عيني
أنا قلبي كله دفا وحنين
يا مالكه عمري وسنيني
........................
لحن وكلمات
د/ابراهيم على مسلم
تعليقات
إرسال تعليق