بقلم الشاعر 🆗Ⓜ️ اشرف الدغيدي Ⓜ️🆗 الشوق دوبني Ⓜ️🆗 اكاديمية ملوك همس الشراء📚💕
( الشوق دوبني )
ياحبيبي ليه تلوعني
وف حبك ليه تحيرني
ياحبيبي ارحم قلبي
داب خلاص ف هواك
طمني و إسأل عني
وابعتلي نظره جواب
كفايه دلال وسامحني
ف البعد الدنيا عذاب
ياحبيبي الشوق دوبني
وعيونك كتير واحشني
احكيلي ع اللي مضايقك
وهتلاقي قلبي مسامحك
وكفايه عليا دلال
حيرني وشغل البال
ياحبيبي حن عليا
ليه تقسي وتغدر بيا
وانا شايلك جوه عنيا
وكفايه هجر يومين
ماجفت دمع العين
واحلفلك ألف يمين
مادوقت النوم ياجميل
ياساكن ف قلبي وحدك
لو هجرك غصبٍ عنك
هجيلك أوام واصالحك
وارمي نفسي ف حضنك
ماهو انت ياحبيبي حبيبي
ومن الدنيا انت نصيبي
ارحم ناري ولهيبي
ياساكن بين ضلوعي
الكل عرف موضوعي
مقدرش استغني عنك
ولا اقدر ازعل منك
لو بعدك عليا طال
العيشه هتبقي مُحال
طاب أعمل ايه في قلبي
وحبك اللي بيجري ف دمي
بعادك خلاص جنني
إزاي يومين تخاصمني
واهون تبعد عني
ومن قربك هان تحرمني
وتخلي الليالي عذاب
خواطر (اشرف الدغيدي)
حقوق النشر محفوظه
تعليقات
إرسال تعليق