بقلم الشاعر. Ⓜ️ د. ابو سعيد متولي.📚🌹 غريبة الدنيا والأغرب منها Ⓜ️📚 أكاديمية ملوك همس الشعراء🆗Ⓜ️
غريبه الدنيا والأغرب منها
الناس اللى عليها عايشين
فى ناس عايزك تبعد عنها
وناس على فراقك مش قادرين
وناس كاره الخير لبعضها
وناس قلوبها السواد ماليها
وناس فيها اللى مكفيها
وناس عايشها بوشين
وناس مليانه بالإحساس
ومبداها الطيبه والإخلاص
وناس عايشه تاذى الناس
وناس فيها عايشين تائهين
وناس تاخد ولا بتدى
ولا تحب العتاب ودى
ومبداها انا فى الحياه وحدى
وباقى الخلق مش عايشين
وناس الطيبه وخداها
ومبداها ومرساها
وناس عايشه على هواها
وبتقول نعيش لينا يومين
وناس توعد وناس تخلف
وناس بالغالى بقى تحلف
وناس الحب لا بتعرف
وبيقولوا احنا عاشقين
وانا ليا فى الحياه مبدأ
طيب وصادق ولابكدب
ولا وقت الجد بهرب
ولا عمرى كنت من الخائنين
كلمات ابن زفتى /الشاعر ابوسعيد متولى صوار
تعليقات
إرسال تعليق