بقلم الشاعر 🌺🌺 محمد عبد الفضيل 🌺🌺 مفيش تقدير🌺🌺
مفيش تقدير
محمد عبد الفصيل
_____________
مفيش في الدنيا
كده راحة ولا تقدير
بيتباع الهنا في ثانية
ويتغير في خلق كتير
مفيش إخلاص
ماخلصوا خلاص
ما عاد فيه هيبة ولا توقير
وكله إتباع
في قعدة مصلحة وهيصة
بقت حوسة
ومخي م الهموم محتاس
وتايه بين وشوش الناس
ومش قادر علي التفكير
وشوش عايقة
ماهيش رايقة
برغم الضحكة والتهليل
بتقلب وشها في ثانية
فتصحي تلقي ناس تانية
مغطي وشها تعكير
متندمشي علي حاجة
ولا تقولش ياريت ولا كان
في خلق عايشة ولا حاجة
ومحسوبة عليك إنسان
تحبك لو تكون حاجة
وتهوي الزمر والتطبيل
ولما المصلحة تخلص
تفر خلاص كده وتملص
تزن عليك كما الدبابير
جميل الطبع من قلبه
بيصفي مهما ضاق خلقه
قليل الأصل مابيصفي
ولو كسفوه ميتين كسفة
ولو عملو له ميت تجميل
تعليقات
إرسال تعليق