بقلم الشاعر 🌺🌼🌺 وائل البطراوي🌺🌼🌺 اشتقنا🌺🌼🌺

إشتقنا 

بندارى فى أوجاعنا قدام الناس

ونبان اقوى كتير من أحوالنا

اصحاب أحساس وقلوبنا إزاز

والكلمة المرة الأسية بتوجعنا

ونخاف نجرح حد بدون قصد

ولا نعرف نكسر خاطر ملهوف

وإن حد قابلنا يوم بـالصد

يقلب لونا ل لون مخطوف

متعودناش نجادل ع الفاضى 

وع المليان

ولا عينا فى يوم كانت بجحة

عودنا نفوسنا على النسيان

وبنحذف أى نفوس وقحة

الدنيا دى مرة وبنعيشها

ولكل واحد فى حياتنا رصيد

المحبة لناس من أفعالها تزيدها

وتسبق الكل تروح لبعيد

ياما ناس شيك هيئة و منظر

لكن من جوه سراب

على خلق الله دايماً تتمنظر

وتعيش وضع كتير كداب

أشتقنا لناس فيهم ريحة الخير

قلوبها تشبه لقلوب الطير

تمشى معانا نفس السير

نفرح يفرحوا لفرحتنا

نزعل ساندينا فى شدتنا

لو  غبنا عارفين سكتنا

والعِشرة شارينها بضمير 

✍️ وائل البطراوى