بقلم الشاعر 🌺🌼🌺 ناصر تويج 🌺🌼 هزف كرشك🌺🌼
_ هز ف كرشك!!
هز ف كرشك واوعى لنفسك
واعلن إنك هلس الدنيا بيجري ف دمك
وانسى ثقافتك واهدم فنك
ولا بيهمك خمسين سنة راحوا من سنك
هز ف كرشك وارفع ديلك
واحلف إنك سابق جيلك
وان خليلك وان دليلك
تفضل تحشي يوماتي ف كرشك
هز ف كرشك يا ابن الناس
واتمرجح في يومين وخلاص
حط علوم الدنيا ف جيبك مش هتفيدك
ولا نافع حصة وكراس
اللي يفيدك واللي يخلي الدنيا ف إيدك
إنك تبقى يا واد هلاس
دوس ع المبدأ قبل ماتبدأ مش هتموت
واوعى تخاف من علم يفوتك طب ميفوت
والا ثقافة تشغل وقتك حط علومك جوا تبوت
خلي ثقافتك فيلا وقصر
نام للعصر
واوعى تضيع يوم من عمرك باسم الصبر
ما احنا صبرنا سنين وسنين
نطوي الشهر كأنه سنين
ويدوبك اسمنا عايشين
توهنا ف زحمة
من غير رحمة
وبقينا بنسمع ع اللحمة
هز ف كرشك واسمع مني
ولا شئ جوايا مطمني
وبقينا عايشين وخلاص
وبقينا عايشين وخلاص
_ بقلمي/ ناصر تويج
تعليقات
إرسال تعليق