بقلم الشاعر 🔵🔴 عبد الحميد عبد الصادق 🔴🔵زي ماربك يجيبها 🔵🔴

( زي ما ربك يجيبها )

كل حاجه شاغلة بالك أيوه سيبها 

سيبها تيجي زي ما ربك يجيبها 

مهما تحسب فيها يعني أو تفكّر 

ف الأكيد من زمان ربك حاسبها 

ليه هتشغل يعني بالك كل مادا 

ليه تضّيع منّا لحظات السعادة 

ده الحياة ملهاش أكيد فعلاً إعادة 

وكل خطوة لينا ربك كان كاتبها 

كل حاجه شاغلة بالك أيوه سيبها 

ليه بتشغل بس نفسك ليل نهار 

ليه بتتردد وخايف م القرار 

القرار ماهوش بإيدي ولا بإيدك 

إحنا الاتنين مش بإيدنا الإختيار 

يعني وفّر دمعتك جوه العيون 

واللي عايزُه ربنا لازم يكون 

هو وحده اللي شايف واللي عالم 

بس يقول للشئ أكيد كُن فيكون 

ليه نقضّي الوقت كله في الخلاف 

كل حاجه بتتعمل منها نخاف 

ليه تملّي بنختلف على أقل حاجه

وليه ما بينّا يكون فيه أصلاً إختلاف 

ومهما نسرح يوم ببالنا أو نفكّر 

مش هنمشي خطوة بس هنتعب أكتر 

يبقى كل حاجه هنسيبها لربك 

هو مالك أمرنا وهو المدّبر 

بقلمي عبدالحميد وهبه