بقلم الشاعر 🔴🔵 بلشقر محمد 🟢🟡 السياسة في البلاد🔴🔵
✌السياسة في البلاد✌
سياسة الذئاب
لا مجتمع مدني
لا نقابات
لا أحزاب
كلشي ذاب
اللي تبنى كله راب
سياسة الريع عندهم حساب
زمان تقصار وتقشاب
وبكثرة الجمعيات والأحزاب
عاد كلشي تعاب
ما بقى معقول لا أحباب
دخلوا للمعمعة
وبالتخمة كلشي تصاب
الجمعيات من أجل الدعم خلقتها أحزاب
دايرها قاعدة انتخابية
لحسابتهم السياسية
مخططات مخزنية
كيكذبوا على الشعب بالنزاهة والشفافية
في الحملة الانتخابية
وجوه الشر
البلاد رجعوها غابة محمية
قوم معمية
وفيقوا يا نيام
لا تعيشوا عيشة اللئام
بغينا نزيدوا لقدام
راه السكات على الظلم حرام
بغينا نعيشوا في سلام
راه حقنا ناخذوه بأيدينا
ما نتسناو حد يعطيه لينا
هذه مسألة تعنينا
خليها تخليك
ولا سكتي على الحق
راه العيب فيك
باركة من سياسة العهر
راه بنادم تقهر
الأحزاب والجمعيات تورقوا
في خيرات البلاد يفرقوا
يا مواطن خاصنا نتجمعوا ما نتفرقوا
وفي سياسة البلاد نحققوا
ماشي نبقاو غير كانبرقوا
وبرامج الأحزاب لا تصدقوا
راه الفاسدين في المجتمع المدني كايدرقوا
ومن المال العام كايسرقوا
هذا كلامي سيف الحروف خاصك تذوقوا
نتحزموا ليهم ما نبقاو نعوقوا
وفي دمنا نتحرقوا
وفيقوا يا أصحابي وعيقوا
باركة ما تثيقوا.
مستمر على درب الأمل رغم الألم :بلشقر محمد
تعليقات
إرسال تعليق