بقلم الشاعر 🟡🟢 شريف شحاته📀📀 غلبان 📀📀
زجل
غلبان
بقلم شريف شحاته مصر
غلبان فى دنيا غريب فيها وغلبت أحاول أرضيها
تعبان ألف فى أراضيها وهى مش راضية عليا
مش ذنبى دة ذنبها كل ما أحاول أحبها
تغور وتقفل قلبها تلف وتدى ضهرها ليا
كل ما أقول أنا كلمة حق تزعل ترد بكلمة لأ
لا طاب لى يوم قلبها ولارق ولا فرحة منها ولا هدية
وناس بتقسى عليا معاها تسيب فؤادى وتجرى وراها وناس تدوس على قلبى فداها دايرين يدوسوا كمان فيا
يا دنيا عيب وكفاية ضرب وسيف بيطعن فى القلب ألام كتيرة بدون ذنب خانقة رقبتى كما الحية
غلبت أقولك بصراحة تعبت ياما عايز راحة أو خلى ضربك بالراحة كفاية قسوة ولا أذية
كتير همومى يا دنيا كفاية مش لاقى حد يصد معايا ولا العذاب دة فيك هواية ما شفت يوم حب وحنية
هدنة بسيطة نفسى أرتاح كأنى أعزل وسط كفاح وإنتي معاك عتاد وسلاح وقلبك إسود ورزية
لو مرة شفت قلوب مرتاحة ونفوس جميلة وفيها سماحة أعيش معاها كأنى فى واحة يومين وألاقى منها أسية
يا قلبك إسود مش صافى نجوم بتبرق وأنا طافى
وناس بتعلا على اكتافى وخسيس يلوم يلعب بيا
لو صدفة فرحة معاك تقرب أسير وراها وأحاول أجرب تزعل فى وشى وتتهرب ودموعى جفت فى عينيا.
تعليقات
إرسال تعليق