بقلم الشاعر 🔵🔴 بلشقر محمد 🟡🟢 الكلام المطروز🔵🔴
قصيدة زجلية من ديواني الشعري*الكلام المطروز*
🔔 يابنادم 🔔
يابنادم
مالك هايم
فيق من الگلبة
ترجل براكة ما تحشم
دافع على حقك ولا تستسلم
يابنادم
احزم رأسك قبل ما تندم
موت وحدة تديك
مالك كتخمم
*******
حمادي ما مسوق ليك
داق الفلس وتاه
گاع ما خاف مولاه
احطب كلشي وداه
ما اقنع باللي عطاه الله
ما وقر خاه
دالو حقه ورماه
نسى وصية ولداه
يدير يده في يد خاه
نسى كلشي واتبع هواه
الحياة كحالت معاه
المريض ماصاب دواه
والمسكين ما لقاش عشاه
الطير الحر عاد هايم في سماه
كيترجى مولاه
يحفظو من شر حمادي ويرعاه
*******
حمادي ما بغى يتوب لله
يرجع يشوف وراه
راه اللعنة تبقى تبعاه
وقفيتي ديما هاجياه
الله يقطع لغاه.
مجدوب الحرف : بلشقر محمد.
تعليقات
إرسال تعليق