بقلم الشاعر. 🔴🔵 محمد بلشقر 🌺🌺نغمة الحرف🌺🌺
قصيدة زجلية من ديواني الشعري*نغمة الحرف*
📢 ما بقى صلاح 📢
***************
كثرت لجراح
و بكى المظلوم وصاح
حياتو كلها قراح
مول الشكارة باع وراح
والمسكين عيا بالتصياح
كلامو داتو لرياح
المسؤول يقلب على الرباح
باع خيرات البلاد على الصباح
المسؤولين شي يشرق شي يغرب
مابقى صلاح
نهبوا خيراتنا السراح
عيينا بالنواح
📢📢📢
فوقاش بنادم يرتاح
ويشم ريحة العدل عند الصباح
فوقاش يطلق ربي لسراح
و تبرى لجراح
وتتعمم في بلادنا لفراح
بنادم من هم الدنيا يرتاح
راه العافية إلا شعلت
ما ينفع معها سلاح
اقفل البرمة راه طاح
📢📢📢
ياناهب خيرات البلاد
إلا بغيتي ترتاح
كفر عن ذنبك وأطلب السماح
باركة من الفضايح
راه الإنسان بالفقصة
عاد لحوايجو لايح
واش بغيت شي واقف شي طايح
اسمع مزيان لكلام السايح
اصلح راسك راه كلشي رايح.
مجدوب الحرف : محمد بلشقر.
تعليقات
إرسال تعليق