بقلم الشاعر 🔴🔵 سامي علي عبد المنعم 🔵🔴 يارب جينا زمن العجب 🔴🔵

يارب جينا ف زمن العجب

والخير والرزق بيتجب

غلبان طهقان م التعب

مخنوق مشنوق معصوب

ومش عارف ايه السبب

كان عفى والحال اتقلب

مش عارف يعيش ومافيش

الحزن هده وغصب عنه اتغلب

ع الهامش وحاسب نفسه م العرب

اخرتها ايه بعد ما الكأس اتشرب

والعركة مش بتاعته

 وبرضوا اتضرب

اتركن ع الرف زى العلب

مش عارف عايش ولا اتصلب

بس الاكيد انه اتغلب

مالوش ف الخناق وبرضوا اضرب

والمال والصحة اتساب

والعمر فرت زى العنب

يارب جينا ف زمن العجب

الامضاء عاشق الكلمة

سامى على عبد المنعم

21 مايو 2025م