بقلم الشاعر ⭕Ⓜ⭕ بلشقر. محمد⭕ Ⓜ⭕ سيف الحرف⭕Ⓜ⭕
قصيدة من ديواني الشعري* سيف الحرف*
"كرهت اكلامكم "
التنمية فين هي
مشاريع وهمية
في النشرات الإخبارية
ما بغات تنتهي المسرحية
سياسة جهنمية
أولاد الزبانية
اغراضهم مقضية
وأمورنا منسية
ما بقات إنسانية
في أحكام الظلامية
دخلاتهم الانتهازية
ما كاين لا حرية
ولا ديمقراطية
ولا عدالة اجتماعية
قوم معمية ومحمية
داو البلاد للهوية
الناس في المستشفيات مرمية
واش هذه هي الصحة العمومية
الخلاص قبل ما تدخل من الباب
ما عدا إلى كانوا عندك الأصحاب
والمسكين اللي ما عندو حد
يطبقوا عليه قانون الغاب
لمن نحملوا المسؤولية؟
يا مسؤول اسمع كلامي
علاش شي ضاحك في وجهو
والمسكين ماص دمو
شي تبعاه السعادة هاني
وشي كثرة الهموم لحنها اغاني
كلها معاني
شكيت همي على الحجر
ما اسمعتيني
بكيت على أمواج البحر
ما اشفتيني
حن قبل ما تمحن
راه الدنيا فايتة وهمومها تبقى فيها
والآخرة كلها حساب
واللي ما أحكم في الدنيا بالعدل يلقى العذاب
يا ويل اللي يثق في الدنيا
راه العمر رمشة عين
والصبر عيا ما يصبر
نقول الحقيقة ولو تقطع لساني
هذه أحزاني اللي منها كالنعاني.
مستمر على درب الأمل رغم الألم :بلشقر محمد
تعليقات
إرسال تعليق