بقلم الشاعر 🎋🎋محمد بلشقر 🎋🎋 الحال زاد تأزم 🎋
قصيدةمن ديواني الشعري*اللغز الكبير*
😭 ألحال زاد تأزم 😭
###########
طاب قلبي بالهم
عييت ما نتكلم
عيا ما يكتب القلم
حتى واحد ما بغى يفهم
انت تبني والعياش يهدَّم
اللي بناوه جدودنا تردم
🗳️🗳️🗳️
فيق ياخوي باركة ما تحلم
توضحت الأمور كون تفهم
الإنتخابات مسرحية كلشي مقسم
راها خدعة فكر مزيان وخمم
صوت ولا قاطع الأمر تحسم
الجنوس الفاسدة مزالة تحكم
🗣️🗣️🗣️
هتروا في البرلمان
وبداو يهيشروا في بعضهم
حتى واحد فيهم ما احشم
جنس قصيف زاد تعظم
من طرف المخزن مدعم
القاسم الإنتخابي زادنا هم على هم
مول الشكارة هاجم باغي يحكم
اللعب الكبير ماكاين غير ازطم
حتى يسيل الدم
انت كول اللحم ورمي للشعب العظم.
مجدوب الحرف : محمد بلشقر.
تعليقات
إرسال تعليق