بقلم الشاعرة 💢💢 صفاء الخواحة 💢💢نفسي ارجع لابتدائي💢💢
🌹نفسي أرجع لابتدائي 🌹
نفسي أرجع أَحبي تاني
طفلة مولودة بسرور
مافي دمعة فى بوح عيوني
مافي خوف أو فيه غرور
سجدة واحدة لربي خاشعة
تمحي من قلبي الفتور
جوه حضن ابويا.. ألاقي
كل فرحي والحبور
ويا دعوة.. بقلب أمي
ألقى راحتي وفيها نور
رجعوني .. مرة تانية
صفحة خالية م. السطور
خالية من كلمة ياريتني
أو ياريت و مفيش فجور
كل جيرتي جميلة صافية
حافظة للجيرة الحضور
وقت كل أدان .. بيدن
نجري ع المسجد بدوُر
نركع الركعة .. بسعادة
فيها تقوى وشوق لحور
بلدي تبقى جوه قلبي
كافية ناسي مفيش نفور
إنتماء .. الكل ليها
عَلمه.. بيرفرف فخور
نفسي ..أرجع لإبتدائي
والصداقة بدون كسور
جابرة .. للخاطر تمللي
ناثرة ف الدنيا الزهور
طعمها وجمالها طاغي
احلى من كل الخمور
حاسة إني ف حلم ممكن
ننحته لو ف الصخور
يبقى تحقيقه الميسر
لو نعدي له.. البحور
وبجسارة نشد حيلنا
نحمي روحنا م. النسور
أرضنا وسمانا.. فوقنا
خالية من كل الشرور
🌹بقلمي/ صفاء الخواجة 🌹
تعليقات
إرسال تعليق