بقلم الشاعر ✍️✍️ علي ابوالسعود✍️✍️ مصدقتيش✍️✍️
مَصَدقتيش
وبِتِخَافِي
وبِتِقولي أنا خَايفه
ومش عَارفه ولاحَسه ولا فَهمه
وعَايِشه وُحِيده وبِتِلومي عَليه كِتير
وبِتِقولي وظَالمني وكَان كَداب وصَدقته
وخَدَعِني ولَمَا عِرفِته أنا بِعته وضَيعته
وبِتقولي أنا غَلطَانه وغَلِطة عُمري فى قُربه
وبِتِلومي كِتير نَفسك على حَالك مَصَدقتيش
مَفكرتيش إن أنا فِكره مَفكرتيش إن أنا هَمسه
مَفكرتيش إن أناحِلمك عَايش فيكِ وجواكِ
مَفكرتيش إن أنا شَبَهِك أنا غِيرهم
أنا هَواكِ إللى جواكِ
أنا الطفل إللى كان نَقصك
أنا الحَرف إللى زينتى به قَلبك
أنا الوشم إللى فى إديكِي
أنا الصوره إللى فى وسَدتك
أنا الضِحكه إللى كانت مَاليه عليككِ.ِ البيت
ولما كونتِ بردانه وأضُمك تِقولي كده دِفيت
أنا حَبيبك أنا مِعادك ومَواعيدك
فى كل مِعاد تِلاقيني بِتاخديني معاكِ بعيد
بِتحكيلي وبنسى كل دُنيايا عشان خَطرك
أنا القلب إللي قَسِمَاه مابين قُربك وبين تِرِحَال
وعمره ما خَالف يوم وعِدك ولا مال
وكانوا فين إللى شَغِلِينك وإنتِ بِعيد
وِمِين مَره سَأل عَنك بِلا مَواعِيد
وجَات اللحِظه إللى خُونتيني
وصَدقتي إن أنا خُونِتك
عَشَان مِين وِإفِتكِري قَالولك إيه وِصَدقتي
عَشَان نَاس كِتير قولتي كِتير عنهم
وقُولتيلي وكَلمهم عَشان خَطري
وليه نِسيتي يَاما كِتير حَكيت عنهم
وحَكتلك يَاما عَنهم وحَظرتك بلاش منهم
بَلاش مِنهم ومَاسمعتيش
وأدى حَالنا ودِلوقتى وإيه رَإيك مَبتجوبيش
شعر
على أبو السعود
تعليقات
إرسال تعليق