بقلم الشاعر 💢♨ بلشقر محمد ♨✍️ راني مقهور✍️✍️
"راني مقهور "
لمن نشكي حالي
كلشي راح وخلاني
خلاوني نعاني
مخنوق
مغلوب
مقهور
في بلادي
اللي ما لقيت فيها خدمة لولادي
نشكي ليك يا ربي احوالي
انا مضرور
انا مقهور
يا خويا إلا ما بقى عندي حق في هذه البلاد
اعطيوني الفيزا
نقطع بها البحور
ما تخليني مربوط معاك
انت ساير تنهب
وانا كنلقط لفتات وراك
كنبحث على طرف ديال الخبز وما لقيتو
وانت كلشي ديتو
وتقول انا عزيز عليك
كذوب في كذوب
راني عقت بيك
يا خالق البحور
ويا الهادي للنور
اكشف هذا المستور
نشكي لك حالي
وراني في بلادي مقهور
في حياتي راني مضرور
خلصني من هذا المغرور
نهب كلشي وهو مسرور
وانا خلاني نقاسي وندور
يا ربي يا عالي
أنظر من حالي
نهاجر وراء البحور
ولا المعيشة مقهور
بلاد الذل نهجرها
ونخلي صاحبي اللي كسبها
راني مقهور
نتمنى ليام دور
وتخلصني من هذا المغرور
مستمر على درب الأمل رغم الألم :بلشقر محمد
تعليقات
إرسال تعليق