بقلم الشاعر ♨💢 هشام علي ♨💢مبحبوش .. مبحبوش♨💢

مبحبوش .. مبحبوش

صنف الغرام ده مبحبوش

تجيني واضح أهلاً بيك

ح تلف روح الله يراضيك

بعت المعزّة ؟! ... طب ليه حرام

أصبح م بينّا هجر وخصام

شوف للمودّة سكة جديدة

تعيد لروحنا افكار سعيدة

وإن كنت ناوي تزيد غ المعاندة

لأ روح بقى وهات لك جريدة

وإقرا م فيها إيه النتايج

ليه يبقى حالنا ظروفه بليدة

روح للي قال لك زيد م الجفا

قول له النتايج نسيها الوفا

وإن زيدت فيها ح تخلف جراح

ف حاول تجرب إيه معنى الصفا

مشوارنا طويل ... بديته معاك

وقلت الليالي ح تبعت رضاك

وح تنسي الأسية وكمان الجراح

وليه بس نندم لكل إللي راح

كان بين إيدينا طريق سهل واضح

ليه خلقت فيه مشاكل كتير

تعالى لي اسامحك يا ابو فكر جارح

وإسمع نصيحتي وسيبها في بير

طريق المعنادة شوارعه زيادة

وربي م يقطع لينا مرة عادة

وخلّي بدايته تكون السعادة

ح نبقى في جنة أساسها الإرادة

ح نبقى في جنة أساسها الإرادة

.....   .....   .....   .....   .....   .....

المهندسين في  ٢٧ يناير ٢٠٢٦ م

       "  طريق السعادة "

 شــــــعـر  : د . هشــام  عـــلي 

.....   .....   .....   .....   .....   .....