بقلم الشاعر 🌜⭐🌛 بلشقر محمد 🌜⭐🌛 بلاد اللجن🌛⭐🌜
🤭 بلاد اللجن 🤭
كثرت اللجن
و ازدادت المحن
باسم اللجن
تقسمت غلة الجنان
حفات ليهم في البرلمان
زادوها باللجن
همهم تفضح وبان
مع كثرة اللجن
والمال العام ماكاين غير اطحن
والشعب غارق في هوايل الزمان
وحمادي سرحان
ما بقى امان مع حمان
تأزمت الحالة في كل مكان
باينة للعيان
بالحجة والبرهان
الاحتجاجات في كل مكان
الهم كبر وزاد الاحتقان
*******
يا مول الشان والمرشان
شوف الحل من غير اللجن
باركة من وسخ الدنيا
حتى لين من الواقع تبقى هربان
فين فرعون وفين هامان
واش عايق احمان الأوضاع تأزمت
ما يفكوها لجان
حاول تصلح الأمور
قبل ما يفوت الأوان
وخطينا من سياسة اللجن
راهم شربونا كاس القطران
حياتنا معاهم كلها أحزان
يا حمادي قاد الميزان
وخاف من الرحمان
راه جزاء الإحسان إلا الإحسان
كل من عليها فان
فوقاش الحق يبان
ويخلصنا من لمحان
لاثقة في المجالس واللجن
اسمع احمادي
الشعب راه عاق من زمان
راه ما بغيش الفتن.
مجدوب الحرف : بلشقر محمد.
تعليقات
إرسال تعليق