بقلم الشاعر 🌜⭐🌛 عبدالله السايح 🌜⭐🌛 علمني في الاول احبك ⭐🌜🌛
…… (علمني فى الأول أحبك)………
علمني فى الأول أحبك
نسيني وياك أحزاني
إكدب لو حتى بكدبك
هتدوب وياك حرماني
كلمني سمعني كلامك
الصمت زود لي جناني
أنا زهرة دبلانه فى قلبك
بحنانك بلل أغصاني
تفكير الناس ليه يلعب بك
وبقسوة ليه تبقى الجاني
لو نظرة حب على دربك
هفتح لك فى الحال أحضاني
لونمشي وانا إيدي فى إيدك
اللمسه هتكون فى كياني
علمني الحب ياسيدي
نسيني وياك أحزاني
إسقيني من حبك مرة
أسقيك من نبع حناني
أنا أنثى من الأول حرة
ومشاعري كان ليها أماني
بقيودك الدنيا دي مرة
لو باعطي مش باعطي عشاني
أنا باعطي وانا زي الصخرة
من ظلمك نستني زماني
إحساسي من ظلمك ميت
تفكيرك ولد عصياني
علمني في الأول احبك
من غير مالحب يعاني
وابني لي العشق ف قلبك
واساسه يكون وحده إيماني
وازاي تقدر وانا جانبك
يتفتح زهري ف أغصاني
علمني في الأول احبك
وبلاش على حبك جاني
…… (شعر)……… .
عبدالله السايح
تعليقات
إرسال تعليق