بقلم الشاعر 🌛⭐🌜 محمد بلشقر 🌛⭐🌜 مابقاش مسوق 🌛⭐🌜
قصيدة من ديواني سيف الحرف
😴ما بقاش مسوق😴
وكان ما البسطاء ما كنتي تحكم
عمرك بالكرسي ما تحلم
وما بغيتي تسلم باش تسلم
مزال خصك تتعلم
من نهار اللي جلستي على الكرسي
بديتي في البسطاء كتظلم
ونسيتي أن هذاك البسيط بحالي هو خلاك تحكم
اوى بلا ما تزطم
راك غادي تندم
راه البسيط عيا ما بقي يستسلم
فكر مزيان راه هو اللي دارك تتزعم
خمم وزيد خمم
راه هذه الأيام زدتي فيه وبديتي في البسطاء كتحطم
وفي ريوسهم كتهشم
أمام أعين العالم كتظلم
كلشي تذل
وكلشي تحول
وفي البسيط ما بقيتي تسول
ما بقى عارف علاش معول
تغيرت الأمور
ما بقى ما يفرح
الصحة تهلكات
والإدارة تبهدلات
والسمعة ديال البلاد تشوهات
في جميع المجالات في أسفل الترتيب تصنفات
حتى التعليم مات
وتقطعت صيلة الخو مع خاه
كلشي تخلى على قول الله
*******
الحق دفنتوه
والفساد في جميع القطاعات عممتوه
واللي افضح المفسدين سجنتوه
والبسيط اللي وصلك قتلتوه
من بعد ما هرويتوه
أمام البرلمان بالماء والصابون غسلتوه
رد البال راه هذوك البسطاء اللي وصلوك
باركة من البسالة
راك بعتيهم في الدلالة
من بعدما لبستيهم دربالة
وهذه أكبر مهزالة
*******
بالله عليك قولي
واش الحقد عندكم في القلب سلالة
راه ما هنا حالة
فكر مزيان في هذه المسالة
راه هاذوك البسطاء اللي طلعوك
قادرين يرميوك في الزبالة
هذه حروفي ليك سيف كلها معاني
الا انت ضاحك
راه البسطاء اللي وصلوك وحكموك
المخير فيهم أصبح كاليعاني
فكر مزيان ثاني
راه حتى واحد ما هاني
مستمر على درب الأمل رغم الألم :بلشقر محمد
تعليقات
إرسال تعليق