بقلم الشاعر 🌛⭐🌜 بلشقر محمد 🌛⭐🌜 حتي لين بهذه العيشة في الظلام 🌛⭐🌜
🌑حتى لين بهذه العيشة في الظلام🌑
بلاد ما بغات تزيد القدام
الحرام في الحرام
في أحكام الظلام
كثر الظلم والإجرام
كممو الإعلام
وخلاو الشعب يعيش في الأوهام
كيكذبوا بسياسة الإصلاح كل عام
أخلاقهم انعدمت
وذابت بحال الملح اللي ذاب في ماء الغمام
الحكام ولى غير كلام
واللي يقول الحق دارو ليه لجام
خلاو حياتو كلها تخمام
والديمقراطية بالنسبة ليه أحلام
ولا يشوفها غير في المنام
حكام واش من حكام
أيام القهرة والظلام
ولات العيشة في المدن الكبيرة في الخيام
من بعد عملية التهدام
بنادم ما ينام
عايش في وسط الزحام
الشفار زاد لقدام
والعيلات سايقنهم لاسبانيا كيف النعام
والصبيان في الزناقي مليوحين بالعرام
والفاسد كيحكم على الدوام
والمفتي في هذه البلاد حلل الحرام
واش هذه بلاد الإسلام
بلاد ممنوع من بعد الميلاد من الأحلام
وهذا ما بغاو الحكام واللي هدر يتحكم بالإعدام
وهذا هو النظام
نتسناو الوقت اللي يتغير فيه الحكام
الظالم ما يروح سالم
راه حكام الله ما بعدو حكام
وعمر النور يولي ظلام
يد في يد نزيدوا لقدام
وممنوع الاستسلام
والظالم نزطموا عليه تحت القدام
وهذا هو الكلام
نحاربوا أولاد الحرام
خوتي الأحرار لكم مني الف سلام.
مستمر على درب الأمل رغم الألم :بلشقر محمد
تعليقات
إرسال تعليق