بقلم الشاعر 🌛⭐🌜 حسن الشوان 🌛⭐🌜عزمت رمضان 🌛⭐🌜
........ عزمت رمضان ......
عزمت رمضان على الفطار
يفطر معانا ويجيب الملايكه
خيرات ربنا علينا تصبح مزار
ويحلوو طعمها و تزيد بركه
قاللى انا شهر الله المختار
وفطارى أشوف فرحة الناس
واشوف فى الوجووه انوار
ولا الاقى محروم ولا محتاس
ولا عابر سبيل مش لاقى دار
ولا يتيم مادد أيده للكريم
إللى بعتنى أكرم كل يتيم
واطبطب ع قلب المهموم
وأخلى عتمة حياته نهار
راضى بحياته وعايش قنوع
وعفيف النفس وغانم بالصوم
مبتهل بالعبادات بكل خشوع
ووشه بيشع رضا وإحساس
فرحة رمضان بفرحة النفوس
وعفة المحتاج جواه بتعيش
مدارياه ومتبانش ع الوشوش
بيبتهل لله بالصدق والإخلاص
جبر الخواطر من كرم رمضان
يجمع الحبايب من كل مكان
وتطييب القلوب بقراءه القرأن
وتفوح المحبه ترطب الأنفاس
والتسابيح تنعش ريق اللسان
........................................
....... د . حسن الشوان 🇪🇬 .....
تعليقات
إرسال تعليق