بقلم الشاعر 🌛🎓🌜 بلشقر محمد 🌛🎓🌜البلادكتغرق 🌛🎓🌜
⛵البلاد كتغرق⛵
كلشي كيصفق
والحر قلبه غادي يطرطق
شي كيغرب شي كيشرق
المسؤول بالعلالي كيسرق
ما كاين غير اسرق وافرق
البلاد كتغرق
*******
الشفار خلاها على الدار
كيسرق في وسط النهار
بنادم تقهار
والشفار تجبار
وانا عييت ما نصبر
قلت لازم نهضر
نفضح سر الشفار
اللي داير فينا المنكر
الجار ما بقى يحترم الجار
في عهد هاذ الأشرار
سياستهم كلها مسرحية
وتوزيع الأدوار
طالعين ياكلوا
هابطين ياكلوا بحال المنشار
*******
ما كاين غير اجمع وزيد اجمع
حتى واحد ما اشبع
والسبع ما اقنع
وحتى الضباع يضل يجمع
يحشي في المطمورة ويخلع
والذيب نهب كلشي
وعلى أصحابه كوزع
والفيل عاطيها للصداع
واخا دى حقه من الدار
مازال باغي الاستوزار
بوحنوك الغدار
اغدر خوه ودار العار
اخرج على الدوار
*******
المسرحية طولت
و المحكومة تغولت
و حقوقنا تهظمات
وفلوس الشعب تفرقات
و الإرادة تحطمت
وبلادنا سمعتها تشوهت
*******
ياالداعي للحق
ارم الزرواطة باركة ما تسحق
باركة من التفلاق
ارفق ببنادم قبل ما الكرة تطرطاق
راه سفينتك غادي تغرق
راه بدات العاصفة والبراق
البلاد غادية تغرق
ارفق بالمظلوم وخطينا من النفاق
راه بغينا حلمنا يتحقق
حقنا ما نسمحوا فيه حتى عند مول الحق
ثيق بكلامي
صدقو اولا تصدق
راها البلاد كتغرق
مجدوب الحرف : بلشقر محمد.
تعليقات
إرسال تعليق