بقلم الشاعر 🌛🎓🌜 بلشقر محمد 🌛🎓🌜 بلاد الجور والمال 🌛🎓🌜
💲 بلاد الجور والمال 💲
بلاد لسقام والعلال
الله يداوي الحال
الإنسان معذب شحال
حياته فناها نضال
اركب عليها الحاكم ونال
وجرى على اللي قاوم
قالو انت گاع ما تسال
السيد بالفقصة تخولال
واش هذه خصايل الرجال
ما بقى ما يتقال
العيشة ولات محال
مع مسؤولين كلهم هبال
تابعين لغة المال
بغينا تتغير الأحوال
راه الحمل ثقال
ولينا نقلبوا على راحة البال
و أمورنا يسيروها العقال
ويبعدونا الجهال
راه الكرامة ما تباع بمال
*******
إيه يادنيا
ليلك شحال طوال
وراه حتى الصبر مل
وما لقينا حل
ما بقى أمل في المستقبل
فوقاش يزول الفاسد
ويعوضو ولد الحلال
راه مع اولاد الحرام
الخير قلال
ياربي عطيهم الشلل
وخلصنا منهم في الحال
كلامي ليك ياهذاك الفاسد
كله قوافي رد البال
راه مع عزرائيل
ما ينفعك لا جاه ولا مال
إلا ما قدمتي من أعمال.
مجدوب الحرف : بلشقر محمد.
تعليقات
إرسال تعليق