بقلم الشاعر 🌛⭐🌜 بلشقر محمد 🌛⭐🌜 جسع الحاكمين🌛⭐🌜
😇جشع الحاكمين😇
ما فيهم خير كاملين
هم واكلين والأغلبية جعانين
هم يسافروا ويتمتعوا
وحنا للبلاد حاظيين
مفطحين في خيرات البلاد وبالمسكين ما حاسين
قالك نديرو لجان
باش نقضيوا على الفقر ونرجعوا متساويين
فوقاش يا قوم الظالمين
لا تكذبوا علينا راحنا عايقين
بالله عليكم واش أنتما مسلمين
ولا ماسون في البلاد مخبيين
سارقين الخيرات وناهبين
انتم شبعانين وحنا جعانين
*******
مصتوا دمنا وقهرتونا يا حاكمين
الدول تقدمت وحنا اللور راجعين
اللي تكلموا على الحق كلهم مسجونين
قلوب احبابهم تبكي دم وأنتم بهم ما حاسين
تكذبوا علينا بالدين
وعلى الشعب حاگرين
محميين من الماسونيين
*******
أويلي بلادنا كلها خيرات
وحنا مزالين مستعمرين
لإتفاقية ايكس ليبان خاضعين
وللنصارى طايعين
حتى لين يا قوم الظالمين
نبقاو في بحور الظلم هايمين
واش ما بغتوش ترحمونا ياحاكمين
ندمسوا الكارطة من جديد ونعيشوا كاملين
علاش ما نكنوش متساويين
رجعوا لله راه في حقنا ما سامحين
حتى عند رب العالمين
أنتما عيدو وحنا ما معيدين
مقاطعين العيد مرغمين
الجشع أعمالكم العينين
للمسكين گاع ما مسوقين
ملقانا معاكم عند حاكم الحاكمين
سحقا للحكام الظالمين.
مجدوب الحرف: بلشقر محمد.
تعليقات
إرسال تعليق