بقلم الشاعر 🌛⭐🌜 بلشقر محمد 🌛⭐🌜 الغافل🌛⭐🌜
قصيدة زجلية من ديواني الشعري*اللغز الكبير*
🤔 الغافل 🤔
============
يا الغافل
فيق من النعاس
وكون راجل
رزقك قسموه الشمايت
وأنت في البلدان هامل
في لقمة العيش حاصل
🤔🤔🤔
يا الغافل
حارب الفاسد وناضل
راه الفقر قرطاس قاتل
حتى لين تبقى لوجعك حامل
لا تثيق في هذاك الجاهل
راه شرا الدنيا
وباع الدين
وبكلام معسول خلاك غافل
ديما هو طالع
وانت نازل
🤔🤔🤔
هذاك الجاهل
ما هو عادل
لا تكون غشيم وغافل
راه ولدو يخدم
وولدك يبقى عاطل
الجاهل ذيب ما هو ساهل
نصب علينا بالدين وتحايل
خيرنا داه كامل
🤔🤔🤔
لا تبقى غافل
كون راجل وعاقل
وتصدى لهذاك الجاهل
قاوم وناضل
بغينا الميزان يتقاد
ما يبقى مايل
ما بغيناش الفتنة
ويبقى الدم سايل
تحزم لا تبقى غافل
تسلح بالإيمان وناضل
مابقاش الوقت اللي فيه تغازل
بان عيب الفتان الجاهل.
مجدوب الحرف : محمد بلشقر.
تعليقات
إرسال تعليق